بہار انتخابات: سیٹوں کی تقسیم کے دعوے کے باوجود اےل جے پی میں عدم اطمینان، رام ولاس پاسوان ہوئے ناراض

نئی دہلی،15ستمبر(ایجنسی) بہار اسمبلی انتخابات کے لئے این ڈی اے کے شراکت داروں کے درمیان سیٹوں کے دوستانہ تقسیم کا معاہدہ ہونے کے دعوے کے باوجود رام ولاس پاسوان کی پارٹی لوک جن شکتی پارٹی کو 40 نشستیں مختص کئے جانے کو لے کر عدم اطمینان کا ماحول ہے۔ پارٹی ذرائع کے مطابق، این ڈی اے کی جانب سے سیٹ تقسیم کا اعلان کئے جانے سے ایل جے پی سربراہ رام ولاس پاسوان ناراض بتائے جا رہے ہیں۔ ان کی پارٹی کو 40 سیٹیں ملی ہیں، لیکن وہ 42 سیٹوں پر اپنے امیدوار کھڑے کرنا چاہتے ہیں۔وہیں، اسی درمیان ایل جے پی کے سربراہ کے بیٹے چراغ پاسوان منگل کو ایک پریس کانفرنس کریں گے جس میں وہ پارٹی کو ملے خراب سودے پر ناراضگی ظاہر سکتے ہیں۔ذرائع کے مطابق، پیر کی رات اےل جے پی ایم پی چراغ پاسوان نے اس سلسلے



میں بی جے پی صدر امت شاہ سے ملاقات کی۔ بتایا جا رہا ہے کہ اےل جے پی جتن رام مانجھی کی پارٹی کو 20 سیٹ دیے جانے سے ناراض ہیں۔ تاہم سیٹ تقسیم کے اعلان کے فورا بعد رام ولاس پاسوان نے کہا تھا کہ این ڈی اے میں سیٹ تقسیم کے فارمولے سے ہم لوگ مکمل طور پر مطمئن ہیں۔پارٹی ذرائع کے مطابق، ایل جے پی میں محسوس کیا جا رہا ہے کہ سابق وزیر اعلی جیتن مانجھی کی ہندوستان عوامی مورچہ (ہم) اور مرکزی وزیر اپےندر کشواہا کی ارایل ایس پی کو ریاست میں ان کے سیاسی رسوخ کو دیکھتے ہوئے اچھی تعداد میں سیٹیں ملی ہیں۔انہوں نے کہا کہ 'ہم' کے این ڈی اے میں شامل ہونے سے پہلے بی جے پی کی تجویز تھی کہ وہ ریاست کے 243 اسمبلی سیٹوں میں سے 75 فیصد پر الیکشن لڑے گی اور باقی نشستیں ایل جے پی اور ارےل ایس پی کو جائیں گی۔

۔۔